भूपेश कका हर अपन विरोधी मन ल शीरसासन कराय बर ठान ले हे का ? भूपेश कका के फोटू आउ समारू पहारू के गोठ

संवाद यात्रा/जांजगीर-चांपा/छत्तीसगढ़/अनंत थवाईत 

समारू..... भइया हमर भूपेश कका के फोटू ल देखे हावस ? जाकिट पहिने हे तउन म लाली रंग के चाक्कर पट्टी म ॐ लिखाय हे तउन हर उल्टा लिखाय हे । 

पहारू.....देख भाई ॐ हर तो सीधा लिखाय हे अब देखने वाला आउ पढ़ने वाला के ऊपर हे कि कहुं ल सीधा दिखथे त कहुं ल उल्टा दिखथे ।

समारू.....वो कइसे ?

पहारू..... देख भाई जब कका हर अपन मुड़ी ल नवा के कनिहा म बंधाय लाली पट्टा म लिखाय ॐ ल पढ़ही त ओला सीधा दिखही ।

समारू.....ठीक हे कका ल तो सीधा दिख जाही बाकी मनखे मन ल ? 

पहारू.....ओहु मन ल भी ॐ हर सीधा दिखही लेकिन ओ मन ल सीधा पढ़े बर शीरसासन करे बर परही । 

समारू.....माने कका हर अपन विरोधी मन ल शीरसासन कराय बर ठान ले हे का ? 

पहारू.....अब ये गोठ ल इही मेर छेवर कर भाई जादा गोठियाबे त अनते के गोठ तनते लम जाही ।