"कनिहा ले बेनी झुलाय कइसे" छत्तीसगढ़ी गीत यू ट्यूब चैनल म धुम मचावत हे

संवाद यात्रा /जांजगीर-चांपा /छत्तीसगढ़/ अनंत थवाईत 

जांजगीर-चांपा म बने छत्तीसगढ़ी फिलिम "मर जाहुं तोर मया म " के गीत "कनिहा ले बेनी झुलाय कइसे" आजकल ए व्ही एम गाना के यूट्युब  चैनल म धुम मचावत हे .ये गीत ल स्वर देहे हावय सुनील सोनी आउ कंचन जोशी.

ये छत्तीसगढ़ी फिलिम 31 अक्टूबर के बड़का परदा म अवइया हे.फिलिम आय के पहिली 10 जुलाई के येकठन गीत ल यू ट्यूब चैनल म रिलीज करे गे हावय .येक हफ्ता म ही ये गीत हर लाखों सुनइया मनखे के मन ल भा गे हावय.

"मर जाहूं तोर मया म"  फिलिम के निर्माता निर्देशक चांपा के हमर संगवारी अखिलेश कोमल पाण्डेय हे. आउ ये फिलिम के पटकथा लिखे हे हमर संगवारी गिरधारी यादव .ये फिलिम के नायक लक्षित झांझी आउ नायिका हे आर वी सिंह .ये दुनो के जोड़ी सुग्घर फभे हे.

हमर जांजगीर-चांपा के सुग्घर सुग्घर ठउर म ये फिलिम ल फिलमाय गे हे .

ये फिलिम म बड़का कलाकार पुष्पेंद्र सिंह आउ रजनीश झांझी जी के संग म महूं थोरकन गोठबात करत दिखहूं.

ये फिलिम के गाना ल अभी जइसन अपन मया दुलार देवत हावा ओइसने फिलिम ल भी अपन मया दुलार दिहा.

गाना सुने बर खाल्हे यूट्यूब लिंक हे..

https://youtu.be/tPIDbIhxBho?si=LkahFPp33hyAFZsQ

जय जोहार..जय छत्तीसगढ़ ..

अनंत थवाईत 

चांपा